Ստեփանյան Արթուր Արսենի

Ստեփանյան Արթուր Արսենի

Ծնվել է 1976թ. հոկտեմբերի 28-ին Երեւանում:
1999թ. ավարտել է Հայաստանի պետական ճարտարագիտական համալսարանի հաշվողական համակարգերի եւ ցանցերի տեխնիկական միջոցների ֆակուլտետը, 2012թ.` Հայաստանի պետական տնտեսագիտական համալսարանի մարկետինգի եւ բիզնեսի կառավարում ֆակուլտետի մագիստրատուրան՝ բիզնեսի կազմակերպում մասնագիտությամբ:
2000-2007թթ. եղել է «Քեթրին Գրուպ» ՍՊԸ առեւտրային տնօրեն, 2007-2009թթ.` գործադիր տնօրեն: 2010-2012թթ. ՀՀ արդարադատության նախարարության դատական ակտերի հարկադիր կատարումն ապահովող ծառայությունում աշխատել է Երեւան քաղաքի պետական եկամուտների կոմիտեի հայցերով բռնագանձումների բաժնի պետի տեղակալ: 2011 թվականից «Քեթրին» բարեգործական հասարակական կազմակերպության նախագահն է:
ՀՀԿ խորհրդի անդամ է:
2012թ. մայիսի 6-ին Ազգային ժողովի պատգամավոր է ընտրվել թիվ 3 ընտրատարածքից:
Պարգեւատրվել է «Անդրանիկ Մարգարյան» հուշամրցաշարի շքանշանով եւ պատվոգրով (2008թ., Հայաստանի դուքենդո ֆուլ կոնտակտ կարատեի ֆեդերացիա): Արժանացել է «Ազատամարտի վետերանների միություն» (2011թ.), «Ազատամարտիկ» (2012թ.), «Հովիկ Խաչատրյան» (2013թ.), «Զոհված եւ վիրավոր ազատամարտիկների ընտանիքների բարեգործական իրավապաշտպան» (2014թ.) ՀԿ-ների պատվոգրերին:
Ամուսնացած է, ունի մեկ զավակ: