|
|
ԼՈՒՅՍ Է ՏԵՍԵԼ
- Հայաստանի Հանրապետական Կուսակցությունը լույս է ընծայել «ՊԱՀՊԱՆՈՂԱԿԱՆ ՀՈՍԱՆՔՆԵՐ ԵՎ ԳԱՂԱՓԱՐՆԵՐ» վերտառությամբ գրքույկը։
Նախագահական ընտրությունների ժամանակ վարչապետ, Հայաստանի հանրապետական կուսակցության առաջնորդ Սերժ Սարգսյանն Արաբկիր համայնքում կստանա ընտրողների ձայների բացարձակ մեծամասնությունը
12.01.08: Արաբկիրի թաղապետ, Հայաստանի հանրապետական կուսակցության խորհրդի անդամ, Արաբկիր համայնքում Սերժ Սարգսյանի շտաբի պետ Հովհաննես Շահինյանը վստահ է առաջիկա նախագահական ընտրություններում ՀՀԿ առաջնորդ, վարչապետ Սերժ Սարգսյանի հաղթանակում: Այդ մասին ԱրմԻնֆո-ի թղթակցի հետ զրույցում հայտարարել է Հ. Շահինյանը:
Նրա խոսքով, ՀՀԿ-ից թեկնածուն փորձառու ռազմական, քաղաքական գործիչ է, որը կստանա ընտրողների ձայների ամենամեծ տոկոսը: Պատասխանելով այն հարցին, թե ինչպես է ինքը վերաբերում այն բանին, որ հանրապետականներին մեղադրում են ընտրությունների ժամանակ վարչական լծակների օգտագործման մեջ`Շահինյանը պատասխանել է. «Եթե Արաբկիրում դուք գտնեք թեկուզ մեկ մարդու, ով ասի, թե ես կոչ եմ արել քվեարկել որևէ թեկնածուի օգտին, ապա ես կհամաձայնեմ ձեր հետ: Սակայն, օրենքի շրջանակներում թաղապետն իրավունք ունի զբաղվել նախընտրական արշավով»: Հ. Շահինյանը համաձայն չէ այն կարծիքին, թե իբր նախընտրական պայքարը կծավալվի առաջին նախագահ Լևոն Տեր-Պետրոսյանի և վարչապետ Սերժ Սարգսյանի միջև: «Պայքար կծավալվի բոլոր ինն թեկնածուների միջև: Ընդգծեմ, որ Արաբկիր համայնքում Ս. Սարգսյանի վարկանիշը շատ բարձր է: Այստեղ Ս. Սարգսյանը կստանա ընտրողների ձայների բացարձակ մեծամասնությունը»,- նշել է Շահինյանը: «Չնայած գոյություն ունեցող կարծիքին, թե Արաբկիր համայնքում ընտրությունների ժամանակ իշխանություններն անում են այն ամենը, ինչ ցանկանում են, այնուամենայնիվ, անցած խորհրդարանական ընտրությունների ժամանակ «Ժառանգություն» ընդդիմադիր կուսակցությունն Արաբկիրում 100 ձայն ավելի է ստացել, քան Հանրապետական կուսակցությունը: Դա բացառիկ երևույթ էր, քանի որ մայրաքաղաքի բոլոր մյուս համայնքներում առաջատար էր ՀՀԿ-ն»,- ասել է թաղապետը: ԱրմԻնֆո
Վերադարձ
Կարդացեք «ՀԱՆՐԱՊԵՏԱԿԱՆ» ամսագրի 76-րդ համարում՝
|
- Ֆեոդոր Շելով-Կովեդյաեւ
ԳԼՈԲԱԼ ՃԳՆԱԺԱՄԻ ԷՈՒԹՅԱՆ ՄԱՍԻՆ
- Ռուբեն Մելքոնյան
ՊՈԼՍՈ ՀԱՅՈՑ ՊԱՏՐԻԱՐՔԱՐԱՆԸ ԵՎ ԲՌՆԻ ԻՍԼԱՄԱՑՎԱԾ ՀԱՅԵՐԻ ԽՆԴԻՐԸ
- Արեստակես Սիմավորյան
ԹՈՒՐՔԻԱՅԻ ՀԱՅ ԿԱԹՈԼԻԿՆԵՐԸ
- Հայկ Գաբրիելյան
ԹՈՒՐՔԱԿԱՆ ՍՓՅՈՒՌՔԻ ԿԱԶՄԱԿԵՐՊՄԱՆ ՊԵՏԱԿԱՆ ՆՈՐ ԾՐԱԳԻՐ
- Արաքս Փաշայան
ԹՈՒՐՔԻԱ– ԻՐԱՔ ՀԱՐԱԲԵՐՈՒԹՅՈՒՆՆԵՐԻ ՇՈՒՐՋ
- Սեւակ Սարուխանյան
ՆԵՐՔԱՂԱՔԱԿԱՆ ԳՈՐԾԸՆԹԱՑՆԵՐՆ ԻՐԱՆՈՒՄ
- Բենիամին Պողոսյան
ԱՄՆ ԱՐՏԱՔԻՆ ՔԱՂԱՔԱԿԱՆՈՒԹՅԱՆ ՎԵՐԻՄԱՍՏԱՎՈՐՄԱՆ ՓՈՐՁԵՐ
- Գագիկ Տերտերյան
ԱՖՂԱՆՍՏԱՆ. ՌԱԶՄԱՎԱՐՈՒԹՅԱՆ ՄԱՍՆԱԿԻ ՀՍՏԱԿԵՑՈՒՄ
- Սուրեն Մանուկյան
ՉԻՆԱՍՏԱՆԻ ԾԱՎԱԼՈՒՄԸ ՃԳՆԱԺԱՄԻ ՊԱՅՄԱՆՆԵՐՈՒՄ
- Կարեն Վերանյան
ՀՈԳԵՎՈՐԱԿԱՆՈՒԹՅՈՒՆԸ ԻՍՐԱՅԵԼԻ ԲԱՆԱԿՈՒՄ
|
|
|
