ՀՀԿ Տավուշի տարածքային խորհրդի նիստ

02.02.12:Ս.թ հունվարի 30-ին տեղի ունեցավ ՀՀԿ Տավուշի տարածքային խորհրդի նիստ: Խորհրդի 15 անդամներից նիստին մասնակցում էին 14-ը:
Լսեցին ՀՀԿ Տավուշի տարածքային խորհրդի 2011թ-ի գործունեության մասին հաշվետվություն, որը գնահատվեց բավարար:

ՀՀԿ ԿՈՏԱՅՔԻ ՏԱՐԱԾՔԱՅԻՆ ԿԱԶՄԱԿԵՐՊՈՒԹՅԱՆ ՀԱՇՎԵՏՈՒ-ԸՆՏՐԱԿԱՆ ՆԻՍՏՈՒՄ

02.02.12:Հայաստանի Հանրապետական կուսակցության Կոտայքի տարածքային կազմակերպությունում տեղի է ունեցել հաշվետու ընտրական նիստ:
Նիստի ընթացքում ՀՀԿ Կոտայքի տարածքային կազմակերպության խորհրդի նախագահ Կ. Շահգալդյանը ներկայացրել է կազմակերպության գործունեության հաշվետվությունը, անդրադարձել հաշվետու ժամանակահատվածում մարզում իրականացված կուսակցական աշխատանքների հիմնական ուղղություններին, պատասխանել խորհրդի անդամների հարցերին: Հարակից զեկուցումների շրջանակներում կատարված աշխատանքների վերաբերյալ հաշվետվություններ են ներկայացրել նաև ՀՀԿ Կոտայքի տարածքային կազմակերպության կանանց խորհրի և երիտասարդական կազմակերպության նախագահները:

Հարգանքի տուրք կյանքը հայրենիքի համար զոհաբերած հայորդիների հիշատակին

30.01.12:Հունվարի 30-ին ՀՀԿ երիտասարդական կազմակերպության և Երևանի Մ. Հերացու անվան պետական բժշկական համալսարանի ուսանողական խորհրդարանի նախաձեռնությամբ շուրջ 300 երիտասարդներ և ուսանողներ այցելեցին «Եռաբլուր» զինվորական պանթեոն` հարգանքի տուրք մատուցելու իրենց կյանքը հայրենիքի համար զոհաբերած հայորդիների հիշատակին:

Երախտիքի խոսք Ֆրանսիայի Հանրապետությանը

24.01.12:Հունվարի 24-ին Հայաստանի հանրապետական կուսակցության երիտասարդական կազմակերպության նախաձեռնությամբ մի շարք ուսանողական և երիտասարդական կազմակերպություններ շնորհակալական ակցիա էին կազմակերպել ՀՀ-ում Ֆրանսիայի դեսպանատան մոտ՝ իրենց երախտիքի խոսքն ուղղելու Ֆրանսիայի Սենատին, նախագահ Ն. Սարկոզիին և Ֆրանսիայի ժողովրդին Ցեղասպանության ժխտումը քրեականացնող օրինագծի ընդունման համար։

Նախագահ Սերժ Սարգսյանը նամակ է հղել Ֆրանսիայի նախագահ Նիկոլա Սարկոզիին

24.01.12:Նախագահ Սերժ Սարգսյանն այսօր նամակ է հղել Ֆրանսիայի Հանրապետության նախագահ Նիկոլա Սարկոզիին՝ Ֆրանսիայի խորհրդարանի վերին պալատի՝ Սենատի կողմից ցեղասպանությունների ժխտումը քրեականացնելու մասին օրինագծի ընդունման կապակցությամբ:

Սոչիում տեղի է ունեցել Հայաստանի, Ռուսաստանի և Ադրբեջանի նախագահների եռակողմ հանդիպումը

23.01.12:Սոչիում Նախագահ Սերժ Սարգսյանի և ՌԴ նախագահ Դմիտրի Մեդվեդևի հանդիպմանը հաջորդել է Հայաստանի, Ռուսաստանի և Ադրբեջանի նախագահների եռակողմ հանդիպումը` նվիրված Լեռնային Ղարաբաղի հակամարտության կարգավորմանը: Հանդիպման արդյունքում ընդունվել է համատեղ հայտարարություն:

Սոչիում Նախագահ Սերժ Սարգսյանը հանդիպում է ունեցել ՌԴ նախագահ Դմիտրի Մեդվեդևի հետ

23.01.12:Աշխատանքային այցով Ռուսաստանի Դաշնությունում գտնվող Նախագահ Սերժ Սարգսյանն այսօր Սոչիում հանդիպում է ունեցել ՌԴ նախագահ Դմիտրի Մեդվեդևի հետ:

Կրթաթոշակներ՝ ռազմական ուսումնական հաստատությունների սաներին

23.01.12:Հունվարի 23-ին Հայաստանի երիտասարդական հիմնադրամում տեղի ունեցավ ՀՀԿ երիտասարդական կազմակերպության կողմից սահմանված ամենամյա անվանական կրթաթոշակների հանձնման հանդիսավոր արարողությունը։

«Գյումրի-2» Շ/Կ անդրանիկ խորհրդի նիստից

19.01.12:17.01.2012թ.-ին 1800թ-ին տեղի ունեցավ ՀՀԿ Շիրակի տարածքային կազմակերպության «Գյումրի-2» Շ/Կ անդրանիկ խորհրդի նիստը:
Նիստին մասնակցում էր ՀՀԿ Շիրակի Տ/Կ խորհրդի նախագահի տեղակալ Ժ. Միքայելյանը:

Խորհրդի նիստ Գյումրի – 1 շրջանային կազմակերպությունում

20.01.12:Հունվարի 19 – ին ՀՀԿ Գյումրի – 1 շրջանային կազմակերպությունում տեղի ունեցավ խորհրդի նիստ, որի ընթացքում տեղի ունեցավ շրջանային խորհրդի նախագահի և տեղակալների ընտրություն:

Վերընտրվեցին նաև Դավթաշենում ՀՀԿ տ/կ–ում

19.01.12:Հունվարի 18–ին Հայաստանի Հանրապետական Կուսակցության Դավթաշեն տարածքային կազմակերպությունում տեղի ունեցավ խորհրդի նիստ, որի ընթացքում տեղի ունեցավ տարածքայինի խորհրդի նախագահի և տեղակալների ընտրություն։

Սերժ Սարգսյանն ընդունել է Հայաստանի հարցով ԵԽԽՎ համազեկուցող Ջոն Պրեսկոտին

17.01.12:Նախագահ Սերժ Սարգսյանն այսօր ընդունել է Հայաստանի հարցով Եվրոպայի խորհրդի խորհրդարանական վեհաժողովի համազեկուցող Ջոն Պրեսկոտին:

17.01.12 Խորհրդի նիստ ՀՀԿ Արաբկիր տարածքայինում

18.01.12:Հունվարի 17–ին Հայաստանի Հանրապետական Կուսակցության Արաբկիր տարածքային կազմակերպությունում տեղի ունեցավ խորհրդի նիստ, որի ընթացքում առաջին հերթին հանձնվեցին տոմսեր տարածքայինը համալրած նոր կուսակցականներին։ Հանդիպման երկրորդ մասում տեղի ունեցավ տարածքայինի խորհրդի նախագահի և տեղակալների ընտրություն։ Արդյունքում ՀՀԿ Արաբկիր տ/կ խորհրդի նախագահ վերընտրվեց Արմեն Մարտոյանը, տեղակալ՝ Արայիկ Մխիթարյանը և ընտրվեց նոր տեղակալ Աշոտ Մովսիսյանը։ Հանդիպման ընթացքում տեղի ունեցավ նաև տարածքայինի 2012թ. աշխատանքային ծրագրերի քննարկում և հաստատում։

ՀՀԿ ԱՐԱԳԱԾԻ ՇՐՋԱՆԱՅԻՆ ԿԱԶՄԱԿԵՐՊՈՒԹՅԱՆ ՀԱՇՎԵՏՈՒ ՎԵՐԸՆՏՐԱԿԱՆ ՆԻՍՏ

16.01.12: Տեղի է ունեցել ՀՀԿ Արագածի շրջանային կազմակերպության խորհրդի հաշվետու վերընտրական նիստը: Հաշվետու վերընտրական նիստի օրակարգում ընդգրկված առաջին հարցի շրջանակներում ՀՀԿ Արագածի շրջանային կազմակերպության խորհրդի նախագահ Գասպար Գասպարյանը հաշվետվություն է ներկայացրել կազմակերպության կողմից իրականացված աշխատանքների վերաբերյալ, անդրադարձ է կատարել Արագածի տարածաշրջանում կազմակերպվող կուսակցական գործունեության հիմնական ուղղություններին, ինչպես նաև ներկայացրել է ընթացիկ տարում նախատեսվող ծրագրերն ու քարոզչական ռազմավարական մոտեցումները:

ՀՀԿ երիտասարդական կազմակերպությունը տոնեց Հին տոմարով Նոր տարին

14.01.12:Հունվարի 13-ին ՀՀԿ երիտասարդական կազմակերպությունը տոնեց Հին տոմարով Նոր տարին:

<<Իսլամական աշխարհում հեղափոխական իրադարձությունների նախադրյալները և պատճառահետևանքային կապի վերլուծությունը>> թեմայով միջոցառում

14.01.12:Հունվարի 14-ին ՀՀԿ գրասենյակում տեղի ունեցավ միջոցառում, որի ընթացքում ՀՀԿ երիտասարդական կազմակերպությունն ամփոփեց նախապես հայտարարված <<Իսլամական աշխարհում հեղափոխական իրադարձությունների նախադրյալները և պատճառահետևանքային կապի վերլուծությունը>> թեմայով վերլուծական աշխատանքների մրցույթի արդյունքները:

Նախագահ Սերժ Սարգսյանն աշխատանքային այցով մեկնել է Արմավիրի մարզ

13.01.12:Նախագահ Սերժ Սարգսյանն այսօր աշխատանքային այցով մեկնել է Արմավիրի մարզ:

ՀՀԿ ՀՐԱԶԴԱՆԻ ՇՐՋԱՆԱՅԻՆ ԿԱԶՄԱԿԵՐՊՈՒԹՅԱՆ ՀԱՇՎԵՏՈՒ ՎԵՐԸՆՏՐԱԿԱՆ ՆԻՍՏՈՒՄ

13.01.12:Տեղի է ունեցել ՀՀԿ Հրազդանի շրջանային կազմակերպության խորհրդի հաշվետու վերընտրական նիստը: Նիստի աշխատանքներին մասնակցել է նաև ՀՀԿ Կոտայքի տարածքային կազմակերպության խորհրդի նախագահ Կ. Շահգալդյանը:

Սերժ Սարգսյանը հանդիպում է ունեցել Բարձրաստիճան պաշտոնատար անձանց էթիկայի հանձնաժողովի նորանշանակ անդամների հետ

10.01.12:Նախագահ Սերժ Սարգսյանի հրամանագրով ձևավորվել է Բարձրաստիճան պաշտոնատար անձանց էթիկայի հանձնաժողովի կազմը: Հանձնաժողովի անդամներ են նշանակվել ՀՀ Ազգային ժողովի նախագահի առաջարկած թեկնածու Լիլիթ Պետրոսյանը, ՀՀ վարչապետի առաջարկած թեկնածու Արմեն Խուդավերդյանը, ՀՀ սահմանադրական դատարանի նախագահի առաջարկած թեկնածու Արեգ Շուշյանը, ՀՀ վճռաբեկ դատարանի նախագահի առաջարկած թեկնածու Էմիլ Բաբայանը և ՀՀ գլխավոր դատախազի առաջարկած թեկնածու Արտակ Սարգսյանը` 6 տարի պաշտոնավարման ժամկետով:

Նախագահ Սերժ Սարգսյանի ուղերձը Ամանորի և Սուրբ Ծննդյան տոների առթիվ

01.01.2012:Սիրելի՛ հայրենակիցներ,
Ահա և պատմություն է դառնում 2011 թվականը: