Լուրեր

Թիմային մրցումներում առաջին տեղը գրավեց ՀՀԿ Աջափնյակի տարածքային կազմակերպության թիմը

02.12.2017



 ԴԵկտեմբերի 2-ին, Տիգրան Պետրոսյանի անվան շախմատիստի կենտրոնական տանը անցկացվեց ՀՀԿ 15-րդ մարզական խաղերի ծրագրով արագ շախմատի թիմային-անհատական մրցաշարը, որին մասնակցեցին կուսակցության մարզային 8 և Երևանի 9 տարածքային կազմակերպությունների թիմեր ու անհատ շախմատիստներ:

Առանձնակի հետաքրքիր և մարզական լարված մթնոլորտում էր ընթանում պայքարը հատկապես մրցաշարի թիմային առաջնությունում, որին մասնակցում էին 10 գրոսմայստեր, միջազգային և ՖԻԴԵ-ի վարպետներ:

Թիմային մրցումներում առաջին տեղը գրավեց ՀՀԿ Աջափնյակի տարածքային կազմակերպության թիմը, որը արժանացավ մրցաշարի հաղթող գավաթին: 2-րդ և 3-րդ տեղերը գրավեցին` Մալաթիա-Սեբաստիայի և Կենտրոնի տարածքային կազմակերպության թիմերը:

Անհատական առաջնության տղամարդկանց 1-ին, բարձրակարգ խմբում հաղթող դարձավ ` Մալաթիա-Սեբաստիա թիմի անդամ, գրոսմայստեր Տիգրան Հարությունյանը:

 Կանանց առաջին, բարձրակարգ խմբում հաղթող դարձավ ՀՀԿ Կոտայքի մարզային կազմակերպության թիմի անդամ Սուսաննա Գաբոյանը:

 Տղամարդկանց առաջին, ուժեղագույնների խմբի 45-ից բարձր տարիք ունեցող մասնակիցների պայքարում հաղթող դարձավ Լոռու մարզային կազմակերպության թիմի անդամ` Արշակ Ռամազյանը:

Տղամարդկանց երկրորդ (սիրողական) խմբում` առաջին տեղը գրավեց Արարատի մարզային կազմակերպության ներկայացուցիչ Երվանդ Գաբրիելյանը:

Կանանց երկրորդ (սիրողական) խմբում` առաջին տեղը գրավեց Շիրակի մարզային կազմակերպության ներկայացուցիչ` Անի-Օդիսեյա Մարտիրոսյանը:

Ինչպես թիմային, այնպես էլ տարբեր խմբերում տղամարդկանց ու կանանց մրցապայքարում հաղթող և մրցանակակիր շախմատիստները պարգևատրվեցին մեդալներով և հուշանվերներով:

Մրցանակակիրներին պարգևները հանձնեց Երևանի շախմատի ֆեդերացիայի նախագահ, Երևանի քաղաքապետ Տարոն Մարգարյանը:

Մրցաշարին ներկա էին ՀՀ Ազգային ժողովի փոխխոսնակ, ՀՀԿ գործադիր մարմնի անդամ Էդուարդ Շարմազանովը, ՀՀԿ գործադիր մարմնի անդամ, կուսակցության կազմակերպչական հանձնաժողովի նախագահ` Ռուբեն Թադևոսյանը, Շախմատային ֆեդերացիայի ներկայացուցիչներ , ՀՀԿ խորհրդի անդամներ:

← Վերադառնալ ցուցակին