Լուրեր

«Հավելը ճիշտ էր՝ Кто боится оппозиции, тот боится за позиции». Էդուարդ Շարմազանով

15.06.2019

ՀՀԿ խոսնակ Էդուարդ Շարմազանովը ֆեյսբուքյան իր էջում գրել է.

 «Որն է Հավելի և Փաշինյանի տարբերությունը

 
Մի անգամ չեխական թավշյա հեղափոխության առաջնորդ և Չեխիայի 1-ին նախագահ Վացլավ Հավելին հարցնում են, թե ինչպես է նա վերաբերում ընդդիմության խիստ քննադատությանը: Հավելը պատասխանում է՝ նորմալ, նրանց գործը, նախ և առաջ, սուր քննադատությունն է: Իսկ ով վախենում է ընդդիմության քննադատությունից, նա վախենում է կորցնել իր դիրքն ու պաշտոնը:
 
Տասնամյակներ անց Հայաստանում այսպես կոչված թավշյա հեղափոխության առաջնորդ Նիկոլ Փաշինյանը իսկական պայքար սկսեց իր ընդդիմախոսների նկատմամբ:
Էլ ԱԱԾ-ով սպառնալ, էլ ասֆալտին փռել, էլ պատերով խփել, էլ մտածել նոր խոսել, էլ օտարերկրյա գործակալներ, էլ դավադիր ուժեր և, իհարկե, սևազգեստներ:
 
Հ.Գ. Հավելը ճիշտ էր՝ Кто боится оппозиции, тот боится за позиции»:

← Վերադառնալ ցուցակին