Ելույթներ և ուղերձներ

ՀՀ ԱԺ նախագահ Հովիկ Աբրահամյանի ուղերձը Կանանց տոնի առթիվ

08.03.2014

«Սիրելի կանայք,

Սրտանց շնորհավորում եմ ձեզ Կանանց միջազգային տոնի առթիվ:

Այս գեղեցիկ օրը ցանկանում եմ արտահայտել իմ խորին երախտագիտությունն ու հիացմունքը մեր հայրենիքի հզորացման, ազգային հարուստ ավանդույթների պահպանման եւ սերունդների հայեցի դաստիարակության գործում ձեր անձնական ներդրման համար:

Երախտիքի անկեղծ խոսքեր եմ ուզում հղել ձեզ հասարակությունում հանդուրժողականության մթնոլորտի ձեւավորման գործում ունեցած անգնահատելի դերակատարության, աշխարհն ավելի բարի ու լուսավոր դարձնելուն ուղղված ձեր ջանքերի համար:

Դժվար է պատկերացնել մեր հաջողությունները առանց ձեր անկրկնելի հմայքի, գեղեցկության եւ խոհեմության: Ձեր ակտիվ մասնակցությունը հասարակական-քաղաքական կյանքի բոլոր ոլորտներում ամրապնդում է հավատն ու վստահությունն ապագայի նկատմամբ:

Կրկին շնորհավորելով գարնանային այս գեղեցիկ տոնի առթիվ՝ մաղթում եմ ձեզ առողջություն, երջանկություն եւ բարեկեցություն«: 

← Վերադառնալ ցուցակին