Հարցազրույցներ
«Արցախի որևէ քաղաքական ուժ իրավունք չունի ՀՀ իշխանությունների վարած քաղաքականության դեպքում մի կողմ քաշվել». Տիգրան Աբրահամյան
27.06.2022
ԱԺ «Պատիվ ունեմ» խմբակցության պատգամավոր Տիգրան Աբրահամյանն այսօր լրագրողների հետ հանդիպման ժամանակ մանրամասներ է հայտնել «Դիմադրություն» շարժան կազմով Արցախ կատարած այցի մասին, որի ընթացքում հանդիպել են Արցախի խորհրդարանում ներկայացված բոլոր քաղաքական ուժերի, ինչպես նաև՝ Արցախի նախկին նախագահներ Արկադի Ղուկասյանի ու Բակո Սահակյանի հետ:
Արցախում ասել են, որ գնացել են մեկ օրակարգով՝ Արցախի և ՀՀ-ի անվտանգություն, այս տարածաշրջանում հայերի գոյության պահպանում:
«Հորդորել ենք, կոչ ենք արել մի կողմ դնել ներքաղաքական կռիվը գոնե ազգայինին վերաբերող հարցերում և Արցախի հետ կապված արտահայտել մեկ դիրքորոշում: Արցախն այսօր պետք է ձայն բարձրացնի, պետք է որոշակի պարբերականությամբ Արցախին վերաբերող և ՀՀ իշխանությունների առաջ քաշած օրակարգի հարցում դիրքորոշում ներկայացնի:
Արցախի որևէ քաղաքական ուժ իրավունք չունի այս իշխանությունների վարած քաղաքականության դեպքում մի կողմ քաշվել և զբաղվել բացառապես նեղ անձնական կամ սեփական օրակարգով: Անկախ նրանից՝ Արցախի նախագահի անունը Արայիկ կլինի, թե Պողոս, այն մարդիկ, որոնք կպաշտպանեն ՀՀ իշխանությունների մոտեցումը, կկիսեն այն ողջ պատասխանատվությունը, որը նրանք ներկայացնում են»,- նշել է Աբրահամյանը՝ հավելելով, թե չի կարծում՝ անկախ նրանից՝ տարբեր դերակատարներ ինչ են հնչեցնում, Նիկոլ Փաշինյանի ներկայացրած օրակարգն Արցախում կարող է որևէ հավանության արժանանալ:
Պատգամավորի խոսքով, առաջիկա 1-2 տարվա ընթացքում Արցախում խոշոր փոփոխություն անելու հնարավորություն է ստեղծվելու:
Մանրամասները՝ 168.am-ի տեսանյութում
168.am