Հանրային ընդունարան

 Հարգելի՜ քաղաքացիներ, 

Հայաստանի Հանրապետական կուսակցության գրասենյակում գործում է հանրային ընդունարան: Ընդունարանին  կարող եք դիմել ձեր խնդիրներով ու ձեզ մտահոգող հարցերով: Ընդունարանի կողմից ձեզ կտրամադրվի անհրաժեշտ ոլորտային խորհրդատվություն: Ընդունարանը հետամուտ կլինի ձեր կողմից ներկայացված խնդիրների բարձրաձայնմանը և դրանց հետևողական լուծմանը: 
Ընդունարանին կարող եք դիմել նաև մեր էլեկտրոնային հարթակի միջոցով:
Ընդունարանը  չի ցուցաբերելու ֆինանսական աջակցություն և չի զբաղվելու բարեգործությամբ:
 
 Հասցե՝ Մելիք-Ադամյան 2,  0010
Հեռ.՝ 012 445 445 (1-11)
Ֆեսյբուքյան հաշիվ՝ 
 

                                                                                          Նորություններ

02.11.2021թ. 44-օրյա պատերազմի մասնակիցների ուսման վարձերի խնդիրները մինչ օրս համապարփակ լուծում չեն ստացել Պատերազմի մասնակից ուսանողները բախվում են փոխհատուցման հետ կիսալուծումների, կիսամյակային վարձի և քննություններին չթույլատրվելու հարցերին: Փոխհատուցման որոշումը վերաբերել է միայն 2021 թվականի առաջին կիսամյակին։ 2021 թվականի առաջին կիսամյակի համար։ 28.10.2021 թվականին է հաստատվել միայն կառավրության որոշումը, որով նախատեսվում է ընդհանուր տարեկան վարձի 50% փոխհատուցում։ Անհայտ է մնում մյուս 50% վճարը: Այն թողնված է բուհերի հայեցողությանը զեղչային համակարգ կիրառելու հետ կապված: Վարձերի փոխհատուցման ժամկետները պարզ չեն, չի հնչում ոչ մի կոնկրետ պատասխան փոխհատուցման ժամկետների մասին։ Այս պահի դրությամբ փոխհատուցումների բացակայությունը ուսանողներին կանգնեցրել է բարդ ընտրության առաջ․ ուսանողները կա՛մ չեն կարողանում մասնակցել միջանկյալ քննություններին, որը ՄՈԳ-ի անկման և ԲՈՒՀ-ից դուրս մնալու ռիսկ է ստեղծում, կա՛մ էլ վճարում են պայմանագրով սահմանված գումարն ամբողջությամբ:ՀՀԿ  Հանրային ընդունարանի կողմից նախարարություն ուղարկված դիմումը որևէ հավելյալ պարզաբանում չի ներկայացնում այս հարցի լուծման վերաբերյալ: Հանրային ընդունարան դիմած ուսանողների փոխհատուցումների և զեղչային համակարգից օգտվելու հանգամանքը կպարզաբանվեն անհատական մակարդակով, իսկ վերոնշյալ պարզաբանումը ներկայացնում ենք այլ շահառուներին առկա
իրավիճակը պարզաբանելու համար:

28.10.2021թ. Պայմանագրային զինծառայողները բարձրաձայնելով իրենց վերաբերող տարբեր բնույթի խնդիրներ ի պատասխան ստանում են սպառնալքիներ, մասնավորապես ռազմական ոստիկանությունը <<կսկսի զբաղվել>> արտահայտություններով: Բարձրաձայնվող խնդիրները վերաբերում են սեփական միջոցների հաշվին տեղափոխումների կազմակերպմանը, վարկային ֆինանսական ծանրաբեռնվածությանը, ծառայությունից հետո տրամադրվող բնակաների հավաստագրերի ոչ արդարացի ու խտրական բաշխմանը, կենսաթոշակի անցած պայմանագրայինների գումարների չվճարումը:

25.10.2021թ. ՀՀ քաղաքացու հին նմուշի անձնագրի վավերականության ժամկետը երկու տարին սահմանելու արդյունքում առաջանալու են մի շարք բացասական հետևանքներ:
1. Կարճաժամկետ վավեր փաստաթղթի ներմուծումը լրացուցիչ ծանրաբեռնվածություն կառաջացնի քաղաքացիների համար,ովքեր ստիպված կլինեն 2 տարին մեկ անձնագրի վավերականության ժամկետի խնդրով զբաղվել:
2. Էականորեն կխոչընդոտվի անձանց՝ սոցիալական ծրագրերի, իրավական պաշտպանության միջոցների և այլ ծառայությունների հասանելիությունը, քանզի մշտապես կարելի է բախվել ժամկետանց անձնագրի խնդրին:
3. Կծանրաբեռնվեն Հայաստանի Հանրապետությունում անձնագրերի տրամադրման գործառույթ իրականացնող մարմնի՝ ՀՀ ոստիկանության անձնագրերի և վիզաների վարչության աշխատանքը, ինչպես նաև տարբեր երկրներում ՀՀ հյուպատոսական ծառայությունների աշխատանքը:
4. Նոր անձնագրերի տրամադրումը և հաճախակի փոփոխությունը կառաջացնի հավելյալ չհիմնավորված ծախսեր, ինչպես նաև բնապահպանական վնասներ թղթի ծավալների սպառման հետ կապված:
Այսպիսով, հին նմուշի անձնագրերի փոխարինում նոր նմուշի անձնագրերով կարող էր իրականացվել առավել արդյունավտե մեխանիզմերի կիրառմամբ:
Ստացվում է, որ քաղաքացին կամ երկու տարի պարբերականությամբ պիտի փաստաթղթային քաշքշուկի մեջ հայտնվի կամ ձեռք բերի նոր նմուշի անձնագիր,որի համար առկա է վճար:

11.10.2021թ. Զրի սակագինը բարձրացնելու հայտի հաստատման դեպքում 1խ/մ-ի գինը կդառնա շուրջ 223 դրամ։ Ակնհայտ է, որ մատուցվող այս հանրային ծառայության գնի բարձրացումը ենթադրում է լրացուցիչ ֆինանսական ծախսեր ինչպես ֆիզիկական անձանց, այնպես էլ շահույթ հետապնդող կազմակերպությունների համար: Ներկայացված հայտի առկայությունը խոսում է այն մասին, որ ջրի մատակարարման ոլորտում չկան հստակ պայամանվորվածություններ գնային քաղաքականության վերաբերյալ: Հայտի հաստատման դեպքում 2022 թվականի հունվարի 1-ից ուժի մեջ կմտնի նոր սակագինը, որն ավելի է նակինից 40 դրամով: Չնայած 2018 թվականից կառավարության պնդումներին, թե ձեռք են բերվել հստակ պայամանավորվածություններ, առ այն որ ինչև 2024 թվականը ջուրը չի թանկանա։ Քննարկվող 223 դրամ սակագինը բարձր է նույնիսկ 2022֊2023 թվականներին նախատեսվող գնից։  Զրի սակագնի թանկացման հետևանքով առաջացող ռիսկերը հետպատերազմյան Հայաստանում կարող են դառնալ հերթական ծանր մարտահրավերները, օրինակ`
-ապրանքների թանկացում,
-սոցիալտնտեսական բեռի ավելացում:

06.10.2021թ. Հայաստանի Հանրապետության կառավարության կողմից որոշում է կայացվել հիպոթեքային վարկի վերադարձվող եկամտահարկի աստիճանական դադարեցման մասին: Այդ որոշումը հավանության է արժանացել և օրենքի ուժ է ստացել Ազգային ժողովի իշխող խմբակցության կողմից: Այս փաստով անհրաժեշտ ենք համարում անդրադառնալ մի քանի ռիսկերի, որոնք չեն բարձրաձայնվում որոշումը կայացնողները: Որոշման արդյունքում`

1. Բարձրանում է հարկային բեռը հիպոթեքային վարկավորման դեպքում:
2. Նվազելու է իրականացվող շինարարության ծավալը:
3. Բնակարանային ֆոնդի նորացման գործընթացը դանդաղելու է և հնարավոր է ժամանակի մեջ ընդհանրապես դադարի:
4. Շինարարություն իրականացնող ընկերությունները ստիպված կլինեն չեղարկել կառուցապատման ծրագրերը, որն է կհանգեցնի բիզնեսի ծավալների կրճատմանը:
Հիպոթեքային վարկի վերադարձվող եկամտահարկի ծրագիրը մեծապես ուղղված էր բնակարանային խնդիրների լուծմանը, որը սոցիալական քաղաքականության կարևորագույն բաղադրատարրերից է:

 

24.09.2021թ. ՀՀԿ Հանրային ընդունարանը պարզաբանում է. 2019թ դեկտեմբերի կառավարության նիստում հաստատվել է ամենամսյա
100.000-ական դրամը բազմազավակ ընտանիքների համար: 2020 թվականի ապրիլի 16-ին ընդունված «Հայաստանի Հանրապետության պետական պարգևների և պատվավոր
կոչումների մասին» օրենքում լրացում կատարելու մասին օրենքի 45-րդ հոդվածի 3.1 մասով նախատեսվում էր, որ ՙՙԾնողական փառքի՚՚ մեդալով
պարգևատրված անձանց տրվում է ամենամսյա պատվովճար, որի կարգն ու չափը սահմանում է Հայաստանի Հանրապետության կառավարությունը։ Սակայն համապատասխան փոփոխությունների իրականացումը ցույց է տալիս, որ տվյալ հարցը շրջանցվել է: Ըստ էության , այս պահի դրությամբ, առկա չէ կարգավորում ո'չ օրենքի և ո'չ էլ ենթաօրենսդրական ակտերի մակարդակով ։ ՀՀ կառավարության 2019թ. նիստի ժամանակ հնչեցված խոստումից հետո այս հարցը շարունակվում է մնալ չկարգավորված: Բազմազավակ ընտանիքներին պարբերաբար հայտնում են, որ հաջորդ ամսվանից վճարումները կսկսվեն, բայց
նշենք նաև, որ վճարումները չեն կարող տրվել, քանի որ օրենսդրական բավարար բազա չի ապահովվել , և որոշումը անժամկետ հետաձգվել է ։

22.09.2021թ.Հայաստանի հանրապետական կուսակցության հանրային ընդունարան ահազանգեր են ստացվել քաղաքային տրանսպորտի թվաքանակի կրճատման մասին: Քաղաքային տրանսպորտի թվաքանակի ճշգրտման համար ՀՀԿ Հանրային ընդունարանը հարցում է կատարել Երևանի քաղաքապետարան: Հարցման արդյունքներով պարզ է դարձել, որ տրանսպորտի թվակազմի կրճատում տեղի է ունեցել: Դիմումով պարզվել է, որ 2020֊ 2021 թվականներին երթուղիներից հանվել է թվով 349 միկրոավտոբուս:Երթուղիներից հանված տրանսպորտի քանակը մինչ այժմ չի լրացվել։Երևանի ներհամայնքային կանոնավոր ուղևորափոխադրումներում 2020 թվականի սեպտեմբերի 1֊ի դրությամբ եղել 504 ավտոբուս և 925 միկրոավտոբուս։ 2021 թվականի սեպտեմբերի 1֊ի դրությամբ՝
441 ավտոբուս և 739 միկրոավտոբուս։ Ավտոբուսների քանակը նվազել Է 63֊ով, իսկ միկրոավտոբուս ների քանակը՝ 186֊ով։ Քաղաքային տրանսպորտի պայմանների բարելավման խնդիրը շարունակում է մնալ
հրատապ և չլուծված, օրեցօր վատթարացող ցուցանիշներով:

15.09.2021թ.Համայնքային հիմնարկներում աշխատատեղերի կրճատման անվան տակ, աշխատակազմերում կառուցվածքային փոփոխություններ կատարելու անհրաժեշտության պատրվագով համայնքային ծառայողներին ազատում են աշխատանքից: ՀՀԿ ՀԸ ստացել է մի շարք դիմումներ համայնքային ծառայողների աշխատանքային
իրավունքների խախտումների վերաբերյալ: Համայնքային ենթակայության հիմնարկներում <<անցանկալի>> աշխատողներից ազատվելու և աշխատակազմերը
<<ցանկալի>> անձանց աշխատանքով ապահովելու սխեմաներ: Աշխատանքի բաժանման, աշխատանքային պահանջների փոփոխության, աշխատակազմի
կառուցվածքային փոփոխությունների, հաստիքների կրճատման, հաստիքներին ներկայացվող պահանջների փոփոխության անվան տակ արտաքինից ապահովելով
օրենսդրական պահանջները տեղի են ունենում աշխատողների իրավունքների խախտումներ: ՀՀԿ ՀԸ դիմած քաղաքացիներին տրամադրվող անհատական իրավական օգնությանը
զուգահեռ, ՀՀ քաղաքացիներին, մասնավորապես համայանքային հիմնարկների աշխատողներին տեղեկացնում ենք: ՀՀ Աշխատանքային օրենսդրության համաձայն`
-աշխատողն իրավունքի ունի ստանալ տեղեկատվություն հնարավոր կրճատումների դեպքում իրականացվելիք միջոցառումների մասին.
⁃ Օրենքով սահմանաված դեպքերում գործատուն պարտավոր է իր մոտ առկա հնարավորությունների սահմաններում աշխատողին առաջարկել է նրա մասնագիտական պատրաստվածությանը, որակավորմանը, առողջական վիճակին համապատասխան այլ աշխատանք:
⁃ Անհրաժեշտ է պահպանել կրճատման մասին ծանուցման օրենսդրական ժամկետները: Բացի այդ, համայնքային ծառայողի հաստիքի կրճատման պատճառաբանության
աշխատանքային հարաբերությունների դադարեցնելուց հետո, որոշ ժամանակ անց նույն հաստիքի կամ նույն գործառույթներ իրականացնող և հմտությունների
պահանջող հաստիքի վերաբացումը խոսում է իրականացվող կրճատումների և գործընթաների ձևականության մասին: ՀՀ քաղաքացիներին ցանկանում ենք
իրազեկել, որ կազմակերպություններում, այդ թվում համայնքային հիմնարկներում անձանց փոփոխությունը հիմք չէ աշխատանքային պայմանագիրը
լուծելու համար:

06.09.2021թ. Քաղաքացիները դիմում են Հայաստանի Հանրապետական կուսակցության Հանրային ընդունարան ահազանգելով նպաստների տրամադրման բալային համակարգի
վերաբերյալ: Անցնելով հաշվառման գործընթացը բալային համակարգի անհամապատասխանության պատճառաբանությամբ նպաստ չեն ստանում: Բալային սանդղակի գնահատման արդյունքում ցածր միավոր ունեցող
քաղաքացիները չեն ընդգրկվում համակարգում: Ըստ էության բալային սանդղակի ոչ արդարացի կազման արդյունքում քաղաքացիները զրկվում են նպաստ ստանալու իրավունքից: Համակարգում հաշվառված են ընտանիքներ, որոնց միավորները չեն հատում 29-ը` չստանալով ընտանեկան նպաստ։ Քաղաքացիները բալային սանդղակը համարում են անարդարացի, քանզի ստեղծվում
է մի իրավիճակ երբ ընտանիքը փաստացի գտնվում է ծանր սոցիալական վիճակում, սակայն սանդղակի գնահատումը նրանց զրկում է ֆինանսական օժանդակություն ստանալու և ծրագրի շահառու դառնալու հնարավորությունից:

 

 13.07.2021թ. Վերջին շրջանում չեն դադարում քննարկումները կորոնավիրուսային հիվանդության կանխարգելման համար ձեռքբերված պատվաստանյութերի քանակի, դրանց կիրառման շրջանակի և դրանց վրա ծախսված ֆինանսական միջոցների վերաբերյալ։
 Ներկայացնում ենք ՀՀ Առողջապահության նախարարության պատասխանը և ՀՀԿ Հանրային Ընդունարանի կողմից փաստերի համադրությամբ կատարված եզրահանգումները։
Այսպես, ՀՀ ներկրվել է 294.460 դեղաչափ պատվաստանյութ։ Դրանցից միայն երկուսի ձեռքբերման վրա պետական բյուջեից ծախսվել է մոտ 1 մլդ դրամ։
 Համապատասխանաբար, 297,4 մլն դրամ Աստրազենեկա և 684,4 մլն դրամ Սպուտնիկ ՎԻ։ Երկրում տիրող իրավիճակից ակնհայտ է դառնում, որ պատվաստանյութերից օգտվում են մեծ քանակությամբ օտարերկրյա քաղաքացիներ, որոնք պատվաստվում են ՀՀ ռեզիդենտների հետ հավասար հիմունքներով։
 Ըստ էության Հայաստանի հարկատուների հաշվին գոյացող պետական բյուջեից ավելի քան 1 մլդ դրամի ծախսը առանց բավարար հիմնավորումների և լրացուցիչ ընթացակարգերի ներդրմամբ ծախսվում է օտարերկրյա քաղաքացիների վրա։

 

06.04.2021 Հայաստանում ստեղծված ծանր առողջապահական վիճակի հետևանքով ՀՀԿ Հանրային ընդունարանը շարունակում է իրավասու մարմինների կողմից տրամադրված տեղեկատվության հանրայնացումը։ Մինչ Հանրային ընդունարանին տրամադրված տեղեկատվության հանրայնացումը ցանկանում ենք նշել, որ հարցման մեջ առկա ոչ բոլոր հիմնահարցերին է անդրադարձ կատարվել։ Մասնավորապես պատասխաններ չեն տրվել հետևյալ հարցերին։
* Ներկրված խմբաքանակի համար ծախսված գումար։
* Բնակչության շրջանում իրականացվող բաշխման կարգ։
* Ռիսկային խմբում չգտնվող անձանց պատվաստման հնարավորություն։
Հանրային ընդունարանի կողմից հարցման մեջ ներառվել էր նաև համավարակի հաղթահարման համար ծախսված յուրաքանչյուր հիվանդի վրա ծախսվող գումարի չափի վերաբերյալ պարզաբանման անհրաժեշտություն, սակայն այն ևս թողնվել է անպատասխան։ Այս մասով ցանկանում ենք հայտնել, որ Առողջապահության նախարարության կողմից խախտվել է «Տեղեկատվության ազատության մասին» ՀՀ օրենքի 12-րդ հոդվածի 3-րդ կետը, որն էլ հանգեցում է նույն օրենքի 14-րդ հոդվածի կիրառման անհրաժեշտությանը։ Այնուամենայնիվ, ստորև ներկայացնում ենք տրամադրված ոչ ամբողջական տեղեկատվությունը։ 2021թ. պետական բյուջեով «Հայաստանի Հանրապետությունում կորոնավիրուսայոն վարակի կանխարգելմանն ուղղված պատվաստանյութի ձեռքբերման միջոցառումներ» միջոցառման շրջանակներում նախատեսվել է 309,0 մլն ՀՀ դրամ։ 2020թ. պետական բյուջեի Հայաստանի Հանրապետությունում կորոնավիրուսայոն վարակի կանխարգելմանն, վերահսկման, բուժման և այլ համալիր միջոցառումների իրականացում» միջոցառման շրջանակներում հատկացվել էդ 26,491,923.08 ՀՀ դրամ։ հատկացված ամբողջ գումարը ծախսվել է։ Կից ներկայացնում ենք նախարարության պատասխանը։ https://docs.google.com/document/d/13QnD8HolJnJH9X9OZ3Qgg0HcojjaAAc68MsD3r_eII4/edit?fbclid=IwAR3bYogEt801_by3Vhv6OoAMg8cLKPm1NWZyaTOXr-kFEQI9okJTW6wrUAg

16.03.2021 Հայաստանը «Կովիդ 19» համավարակի պատվաստանյութի ձեռքբերման որևէ պայմանագիր չունի։ Հայաստանի Հանրապետությունում համավարակի հետևանքով ստեղծված ծանր պայմաններն ու առողջապահական համակարգի գերծանրաբեռնվածությունը շարունակվում են։ Օրհասական է մնում խնդրի արագ լուծմանն ուղղված արդյունավետ քայլեր ձեռնարկելու անհրաժեշտությունը։ Համաշխարհային առաջատար առողջապահական համակարգերում համավարակի դեմ պայքարի արդյունավետ եղանակ է համարվում պատվաստման գործընթացի արագ ու արդյունավետ իրականացումը։ Այս կապակցությամբ ՀՀ-ում տիրող իրավիճակի համալիր գնահատման համար ՀՀԿ Հանրային ընդունարանի կողմից հարցում է իրականացվել առողջապահության նախարարություն։ Հարցման արդյունքներով պարզ դարձավ, որ՝ մինչ այս պահը ՀՀ-ում առկա է 1030 անձի համար պատվաստանյութ, որը տրամադրվել է որպես նվիրատվություն։ Մինչ այս պահը նախարարությունը չի կնքել պայմանագիր աշխարհում արդյունավետության ամենաբարձր ցուցիչով դասվող պատվաստանյութերից մեկի՝ «Sputnik-V»-ի ձեռքբերման համար։ Նախարարությունից հայտնել են միայն բանակցությունների փուլի մասին։ Հարցման իրականացման պահին, ըստ էության ՀՀ-ն չունի որևէ պայմանագիր, որևէ պատվաստանյութի ձեռքբերման համար։ Այսպիսով՝ ավելի քան մեկ տարի տևող համավարակն ու ավելի քան հինգ ամիս համավարակի դեմ պատվաստանյութերի առկայության պայմաններում, ՀՀ իրավասու մարմինների անգործությունը շարունակվում է։ Գործնական քայլեր ձեռնարկելու փոխարեն առկա են ոչնչով չհիմնավորվող հավաստիացումներ «բավարար քանակի պատվաստանյութերի ձեռբերման մասին» Կից ներակայացնում ենք Նախարարության պատասխանը։ https://docs.google.com/document/d/1yG48Ii7AVwKNK_3sY_t1bdS8BG199IcaD2wB6xLAbUM/edit?fbclid=IwAR0k5bAVZwkfpcjHMBF7qmGvZ_nz7-zJrVaIe4YekxAStfxuVwQDNIMU214

05.12.2020 Հարգելի՛ հայրենակիցներ, Հայրենիքի Փրկության շարժման կողմից հրավիրված հանրահավաքների և միջոցառումների մասնակցության ընթացքում Ձեր նկատմամբ իրավապահ մարմինների, պետական կամ տեղական պաշտոնյաների կողմից իրականացվող ճնշումների դեպքում կարող եք դիմել ՀՀԿ Հանրային ընդունարանին Ձեր իրավունքների և օրինական շահերի պաշտպանությունն արդյունավետ իրականացնելու, ինչպես նաև իրավական օգնություն ստանալու համար։

 24.09.2020  ԱՐՏԱԿԱՐԳ ԴՐՈՒԹՅԱՆ ԸՆԹԱՑՔՈՒՄ ԱՌՈՂՋԱՊԱՀԱԿԱՆ ԽՆԴԻՐՆԵՐԻ ԼՈՒԾՄԱՆ ՀԱՄԱՐ ԿԱՌԱՎԱՐՈՒԹՅԱՆ ԿԱՏԱՐԱԾ ԾԱԽՍԵՐԻ ՎԵՐԱԲԵՐՅԱԼ

Առողջապահության նախարարը կորոնավիրուսի բուժման թույլտվություն է միայն խիստ սահմանափակ թվով բուժկենտրոններին՝ այդ թվում՝ Նորքի ինֆեկցիոնին, Սուրբ Գրիգոր Լուսավորիչ: Իրականացված հարցումները թույլ են տալիս անել հետևյալ եզրահանգումները: Պետական գերատեսչություները, որոնք ներգրաված են համավարակի կանխարգելման աշխատանքներում խուսափում են տրամադրել հստակ և ամբողջական տեղեկատվություն կատարած ծախսերի վերաբերյալ: Հարցումներից ակնհայտ է դառնում, որ պետական գերատեսչությունները չեն սահմանել հստակ գնային սանդղակներ և այդպիսով չեն դիտարկել շուկայում առկա հնարավորությունները: Ըստ էության բանակցությունները տարվել են անհատ տնտեսվարողների հետ՝ պայմաններ ստեղծելով սուբյեկտիվ ընտրություն կատարման համար: https://docs.google.com/document/d/1US-v9LtZI25r3QnbvW_NgTP5fYaqqLKEomCfT7N9rlY/edit?fbclid=IwAR14UrbiBs-EnY-rpIEc2611D2xebgOr_OEmGUuwRzMOzKSuDsEmb1JZtow                                                                                                                                      
 
04.09.20 Խաղողի մթերման հետ կապված այսօր առկա են մի շարք խնդիրները: Մասնավորապես՝ բերքի մթերման գործընթացն ուղեկցվում է բազմաբնույթ խնդիրներով, որոնք պայմանավորված են ստեղծված անորոշություններով և արտակարգ դրության իրավական ռեժիմով: Խնդիրները  վերաբերում են խաղողի մթերման ծավալներին,  գնին, տեղափոխման ծախսերին և իրացման  հնարավորություններին: Նշենք նաև, որ պարետի որոշումների  համաձայն չեն գործուն նաև գյուղատնտեսական բացօթյա շուկաները,  որոնք ամեն տարի գործում էին մինչև դեկտեմբերի 1ը՝ լրացուցիչ հնարավորություն ստեղծելով  բերքի իրացման համար: Վերը նշված խնդրով ՀՀԿ Հանրային ընդունարանին դիմել են առավելապես Վայոց Ձորի և Արարատի մարզի խաղողագործները:Այս պարագայում գյուղացիական տնտեսությունների համար ստեղծված դժվարություննները մեղմել հնարավոր է Կառավարության կողմից հավելյալ ոլորտային ծրագրերի մշակմամբ և իրականացմամբ Այսինքն, անհրաժեշտ  են ծրագրեր,որոնք կլուծեն ֆինանսական և նյութատեխնիկական ապահովության հարցերը  մինչև  բացասական գործոնների մեղմումը կամ չեզոքացումը:

24.08.20ՀՀԿ Հանրային ընդունարան դիմում ենքաղաքացիներ, ովքեր զբաղվում են  ձեռնարկատիրությամբ:Մի շարք ոլորտներում գործունեություն իրականացնող անհատ ձեռնարկատեր հանդիսացող քաղաքացիներն ահազանգում են  բնական գազի թանկացման վերաբերյալ: Անհրաժեշտ ենք համարում վերահաստատել այն հանգամանքը որ տարբեր զբաղվածություն ունեցող ՀՀ քաղաքացիների համար բնական  գազի դիմաց վճարվող գինը ֆինանսական լուրջ բեռ է:  Ազդեցության գոտում են գտնվում նաև ուղևորափոխադրումների  ոլորտը: Ցանկանում ենք նշել, որ ՀՀԿ Հանրային ընդունարանին տրամադրված  տեղեկության համաձայն Երևան քաղաքի և միջմարզային երթուղային  տրանսպորտի մի շարք երթուղիներ դադարեցրել կամ կրճատել են  սպասարկող ավտոբուսների և միկրոավտոբուսների թվաքանակը,  որն ուղղակիորեն կապված է վերջին եռամսյակում ՀՀ ներկրվող գազի  գնի  զգալի չափով աճի հետ: Այս հանգամանքներով  պայմանավորված, անհատ ձեռներեցների շրջանում ձևավորվել  է ողջամիտ ակնկալիք կառավարության կողմից բնական  գազի սպառման համար սուբվենցիոն ծրագրերի  իրականացման, որը կհանդիսանա գործուն օժանդակություն՝  հաշվի առնելով երկրում առկա կորոնավիրուսային  համավարակը և արտակարգ դրությունը: