Հայաստանի Հանրապետական կուսակցություն

 Երևանի քաղաքապետարանի աջակցությամբ հանդիսավոր շքերթով մեկնարկել է արդեն ավանդական դարձած <<Ձմեռային փառատոն Հայաստանը>>:
Կաղանդ պապի գլխավորությամբ շքերթի մասնակիցները, որոնց թվում էին երաժշտական ու պարային խմբեր, Ամանորի խորհրդանիշ հանդիսացող տարբեր կենդանակերպեր, տասնյակ երիտասարդներ, փոքրիկներ ու մեծեր, Երևանի քաղաքապետարանի հարակից Ռուսաստանի հրապարակով շարժվել են դեպի Հանրապետության հրապակարակ, այնուհետ Մաշտոցի պողոտայով հանգրվանել Ազատության հրապարակում:
Ձմեռն առավել գունագեղ դարձնելու նպատակով մինչև հունվարի 13-ը Ազատության հրապարակում կկազմակերպվեն տոնական բազմազան միջոցառումներ, խաղ-մրցույթներ, հեքիաթասացություն, նաև ցուցահանդեսներ կլինեն:
Փառատոնի շրջանակում դեկտեմբերի 28-ին, արդեն երկրորդ անգամ կանցկացվի ամենուրախ և աշխույժ միջոցառումներից մեկը՝ Ձմեռ պապերի մրցավազքը: Հաղթողներին կազմակերպիչները նվերներ են խոստանում: