Հայաստանի Հանրապետական կուսակցություն

 

ՀՀԿ փոխնախագահ Արմեն Աշոտյանը Hraparak.am-ի հետ զրույցում այս առնչությամբ ասաց․ «ՀՀ գործող Սահմանադրությունը, վստահաբար կարող եմ ասել, անգամ այսքան քննադատությունից հետո, իր առկա որոշ խնդիրներով, թերություններով և անհարություններով հանդերձ, Եվրոպայի խորհրդի տարածքում գտնվող երկրների շարքում լավագույն Սահմանադրություններից մեկն է։ Ավելին ասեմ Ձեզ, ես վստահ եմ, որ այս Սահմանադրությունը ոչ թե հրահրեց կամ նպաստեց իշխանափոխության պորցեսին, որը տեղի ունեցավ, այլ ամորտիզացրեց այն քաղաքական ռիսկերը, վայրիվերումները և ցնցումները, որ կարող էին ուղեկցել իշխանափխությանը, եթե չլիներ այս Սահմանադրությունը և երկիրը մնար կիսանախագահական կառավարման տիրույթում»։

 

Ինչ վերաբերում է նրան, որ ասում են՝ վերջին մեկ տարում ՀՀ Սահամանդրությունն ամենաշատ բռնության ենթարկված և «բռնաբարված» փաստաթուղթն է, Աշոտյանն այսպես արձագանքեց․

 

«Ինչպես քանիցս նշել եմ, Սահմանադրականությունն այսօր Հայաստանում խախտված և խարխլված է բազմաթիվ դրվագներով, նախորդ գումարման Ազգային ժողովի վրա հակասահմանադրական ճնշումներից, դատական իշխանության վրա հակասահմանադրական ճնշումներից սկսած, ինչո՞ւ չէ, հենց Նիկոլ Փաշինյանի վարչապետ դառնալու, ընտրվելու պրոցեսը նույնպես հակասահմանադրական էր իր ընթացքով, ճնշում էր ԱԺ պատգամավորների վրա, որոնց գործունեության ազատությունը երաշխավորված էր Սահմանադրությամբ։ Սահմանադրությունն այսօր գործող իշխանությունների համար արժեք չէ։ Ես դիտավորյալ չեմ օգտագործում բռնաբարված բառը, թեպետ՝ այո, այսօրվա Սահմանադրությունը գործող վարչախմբի կողմից վայրագությունների զոհ է»։

 

Ըստ Աշոտյանի՝ կյանքն ապացուցեց, որ Հայաստանի Հանրապետությունն այսօր չունի Սահմանադրության երաշխավոր։

 

Ինչ վերաբերում է Սահմանադրությունը Սերժ Սարգսյանի հագով «կարելու» թեզին, Աշոտյանն ասաց, որ այն կարված էր երկրի առջև կանգնած մարտահրավերների դիմակայելու հագով։