Լուրեր
ՀՀԿ ԵԿ-ն մասնակցել է RSI-ի դասընթացների 2-րդ փուլին
09.12.2019
Օրերս Բելգիայի մայրաքաղաք Բրյուսելում տեղի է ունեցել «Ինչպես է աշխատում Եվրոպան» խորագիրը կրող ծրագրի երկրորդ մասը: Այն կազմակերպել էր Ռոբերտ Շուման ինստիտուտը Եվրոպական Ժողովրդական կուսակցության (EPP) աջակցությամբ: Հայաստանի Հանրապետական կուսակցությունը ներկայացրել են
ՀՀԿ ԵԿ անդամներ Ռոզա Սարոյանը և Նարինե Մեհրաբյանը:
Քառօրյա ծրագրի ընթացքում տեղի են ունեցել բազմաթիվ հանդիպումներ ԵԺԿ գլխամասում, որտեղ մասնակիցները հանդիպել են ԵԺԿ արտաքին հարաբերությունների քարտուղար Պատրիկ Վոլլերի հետ: Այնուհետև
մասնակիցները այցելել են Վիլֆրիդ Մարտենսի անվան Եվրոպական
հետազոտությունների կենտրոն:
ՀՀԿ ԵԿ ներկայացուցիչների խոսքով ծրագիրը այս անգամ ավելի պրակտիկ բնույթ
է կրել: Այն միտված է եղել մասնակիցներին ծանոթացնել Եվրոպական միության և
նրա մաս կազմող մի շարք այլ ինստիտուտների գործունեությանը և
առանձնահատկություններին:
Ուշագրավ են եղել հատկապես այցերը ՆԱՏՕ-ի գլխամասային գրասենյակ և
Եվրոպական խորհրդարան: Եվրոպական խորհրդարանում մասնակիցները
հանդիպել են ԵԺԿ արտաքին գործերի խորհրդատու Ռոբերտ Գոլանսկիի հետ և
քննարկել են Հայաստան-Եվրոպական միություն համագործակցության
հեռանկարները:
ՀՀԿ երիտասարդական կազմակերպություն