Լուրեր
«Հակառակորդը ցանկանում է Քարվաճառի կողմից մխրճվել ՀՀ տարածք, տիրանալ մի շարք բարձունքների և հսկողության տակ վերցնել Գորիս-Սիսիան մայրուղին». Արտակ Զաքարյան
16.11.2021
ՀՀԿ խորհրդի անդամ Արտակ Զաքարյանը ֆեյսբուքյան իր էջում գրել է․
«Ընթացող մարտական գործողություններով հակառակորդը ցանկանում է Քարվաճառի կողմից մխրճվել Հայաստանի Հանրապետության տարածք, տիրանալ մի շարք բարձունքների և հսկողության տակ վերցնել Գորիս-Սիսիան մայրուղին: Դա նրան հնարավորություն կտա դիտարկել նաև ՌԴ 102-րդ ռազմաբազայի Սյունիքի հենակետերից մեկը, որը հանդիսանում է Արցախում տեղակայված ՌԴ խաղաղարար առաքելությանը մատակարարման օղակներից մեկը:
Նիկոլն ի զորու չէ ադեկվատ որոշումներ կայացնել: Իրավիճակը չհանդարտվելու և հակառակորդի ագրեսիվ ռազմական գործողությունների շարունակվելու դեպքում, ընդհուպ մինչև ռազմական դրության և մասնակի զորահավաքի անհրաժեշտություն կարող է առաջանալ: Դեռևս պարզ չէ, թե այլ հատվածներում ինչ գործողություններ է պլանավորվել հակառակորդի կողմից:
Պատրաստ պետք է լինենք իրավիճակի ցանկացած զարգացման»: