Լուրեր
«Պատերազմով վախեցրեց ու զիջեց Սյունիքի մի մասը,Գորիս-Կապան 21 կմ փաստացը թշնամուն տրվեց ու այսօր թշնամին Հայաստանում է». Էդուարդ Շարմազանով
01.04.2022
ՀՀԿ ԳՄ անդամ Էդուարդ Շարմազանովը ֆեյսբուքյան իր էջում գրել է․
«Ինձ հաճախ են հարցնում ՝ ի՞նչ պետք է անի իշխանությունը, որ չի անում։
Ասեմ…
Դադարեցնի հայ-թուրքական կործանարար սիրախաղը։
Ադրբեջանի հետ որեւէ բանակցության չգնալ մինչեւ գերիները չվերադառնան ու Հայաստանի 41 քառ. կմ թշնամին չի ազատել։
Առանց հիմնարար 3 սկզբունքների ու մասնավորապես ազգերի ինքնորոշման իրավունքի ամրագրման չսկսել որեւէ բանակցություն։
Միջազգային բոլոր ատյաններում ՝ԵԱՀԿ-ից մինչեւ ՄԱԿ,ԱՊՀ -ից մինչեւ ՀԱՊԿ դնել Շուշիի ու Հադրութի դեօկուպացիայի հարցը։
Ոչ մի դեմարկացիա ու դելիմիտացիա՝ առանց Արցախի ինքնորոշման իրավունքի իրացման ու հայության անվտանգության երաշխավորման։
Բանակի վերազինում ։
Սա այն քայլերն են,որ չի արվել։
Ավելին. իրականացվել է ճիշտ հակառակը։
Ու հերիք է պատերազմով վախեցնեն։
Պատերազմով վախեցրեց ու զիջեց Սյունիքի մի մասը,Գորիս-Կապան 21 կմ փաստացը թշնամուն տրվեց ու այսօր թշնամին Հայաստանում է։
Խաղաղություն աղերսելով պատերազմներից անհնար է խուսափել»։