Հայաստանի Հանրապետական կուսակցություն

 ՀՀԿ ԳՄ անդամ Մարգարիտ Եսայանը ֆեյսբուքյան իր էջում գրել է․

«Վախկոտների իշխանությունը վախից ավելի ու ավելի վտանգավոր է դառնում։ Արցախի Հանրապետություն, Արցախ  միայն այս  բառերից ընկնավորված, սրանք իրար հետեւից նոր  վախեր են դրսեւորում։ 

Օրերս   մի իշխանական լքպ Էդմոն  հայտարարեց, թե Արցախի  պետական ինստիտուտների  գոյությունը  վտանգ է Հայաստանի անվտանգությանը։

Դե, երբ իրական վտանգը՝ ներքին թշնամին այսպես լկտիանում է, պատճառը մեկը կարող է լինել՝   հերթական «տնային առաջադրանքն են» ստացել իրենց  պապաներից՝ ջնջել Արցախ բառը, ջնջել Արցախի հայկականությունը, ջնջել Արցախի բոլոր կայացած համակարգերը, թաղել Արցախն ու արցախյան ամեն ինչը։ 

Այլեւս ոչ մի նորմալ մարդ չի էլ կասկածում, թե ով եւ ովքեր են Հայաստանի անվտանգության իրական սպառնալիքները՝ զավթիչ ներքին թշնամիները, որոնց, ցավոք, դեռ հոխորտում են ու  մահվան գերանդին ձեռքներին շարունակում են  իրենց սեւ գործը;