Լուրեր
Նախագահի շուրջ տասնյակ տարիներ հյուսված հեքիաթները նույնիսկ փշրվել են իշխանականների համակիրների շրջանում․ Խաչատրյան
21.04.2025
ՀՀԿ խորհդրի անդամ Շիրազ Խաչատրյանը ֆեյսբուքյան իր էջում գրել է․
«ՀՀ գլխավոր դատախազության կողմից բողոքը և ՀՀ երրորդ նախագահ Սերժ Սարգսյանի արդարացման վերաբերյալ դատական գործի նոր քննությունը լավագույն ցուցիչներից է, թե ինչպիսի խայտառակ, ծանր ու հիմար վիճակի մեջ է այս իշխանությունը և պետական համակարգն ընդհանրապես։
Նախագահի շուրջ տասնյակ տարիներ հյուսված հեքիաթները նույնիսկ փշրվել են իշխանականների համակիրների շրջանում, երբ յոթ տարի շարունակ նախկին թալանի, Բաղրամյան 26 «տարվող» ճամպրուկների հետքերով որևէ «բացահայտում» չի եղել, և , օրինակ, էս անճարների հույսը մնացել է դիզվառելիքի գործը նոր քննության ուղարկելու վրա։
Բարձր հնչեղությամբ գործերի հետևում ուղղակի ներկայացվող ստեր են, թվեր են, ոչ ավելին, իսկ նախորդ շաբաթվա Ազգային ժողովի՝ կառավարության գործունեության 2024-ի կատարողականի քննարկման ժամանակ Փաշինյանի ներկայացրած ամպագորգոռ թվերը ևս նույն սերիալի տրամաբանության մեջ են։ Իսկ հասարակության հեգնական վերաբերմունքն արդեն սովորական բան է դարձել իշխանականների ամեն մի հայտարարության ֆոնին։
Սրանց կողմից «խոշոր կոռուպցիոն բացահայտումների» մասին հայտարարություները, բոլոր ոլորտներում «խոստումները» ոչ այլ ինչ են, քան ուղղակի հանրության զգացմունքների վրա խաղալու միջոց․․․» ։