Լուրեր
Մեր քաղաքացիների համար նաև ակտուալ թեմա է 44-օրյա պատերազմի հանգամանքների բացահայտման հարցը․ Աբրահամյան
14.10.2025
ԱԺ «Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան իր էջում գրել է․
«ԱԺ-ում քաղաքացիների հետ ընդունելության շրջանակներում մեծ թվով խնդիրներ են արծարծվել` կրթությունից, անվտանգությունից մինչև վարչապետի նկատմամբ անվստահության գործընթաց:
Այն, որ այս իշխանության գործունեությունն ամենատարբեր ուղղություններում վաղուց է տապալված, մեր հասարակության ճնշող մեծամասնության համար հստակ փաստ է:
Այդ ձևաչափով հանդիպման էր եկել նաև հասարակական գործիչ Էդգար Ղազարյանը, ով առաջարկում էր վերոնշյալ թեման նաև Պաշտպանության և անվտանգության հանձնաժողովի օրակարգի հարց դարձնել:
Մեր քաղաքացիների համար նաև ակտուալ թեմա է 44-օրյա պատերազմի հանգամանքների բացահայտման հարցը, որն իշխանությունը քողարկում է հասարակությունից, իսկ պատերազմի տարբեր դրվագներ ըստ նախընտրության օգտագործում»:
