Հայաստանի Հանրապետական կուսակցություն

 

«Լիդյա Մանթաշյանը ազատ արձակվեց

 

Սա եւ փաստաբանական խմբի եւ հասարակական ճնշման եւ ՝լինելիք բան էր։  Համոզված եմ  որոշ այլ շարժառիթներ եւս կան, գուցե՝ այս դատավոր-դատարանների ներքին անհամաձայնությունը,  որոշակի պատվախնդրության նշույլը, կամ՝ եղավ, զուտ ՝որովհետեւ եղավ; Նայում եմ Լիդյայի  միշտ ժպտերես դեմքին, քնքուշ դիմագծերին,  հզոր  ներքին ուժը ճայթքում է այս աղջնակից։ Մտածում եմ  տեսնես այս երիտասարդ աղջիկը ինչ ապրումներ, ցնցումներ, մտքեր ունեցավ  գտնվելով  անազատության մեջ, ի՞նչ երազներ տեսավ, ի՞նչ  սպասումներ ունեցավ։ 

 

 Երիտասարդ այս աղջիկը երեւի իմ երեխաների տարիքին է, ու, այսքան ուժեղ է, անսասան, նվիրված պայքարին եւ արդարությանը։ Ես չեմ կարող ասել մեզնից յուրաքանչյուրը, կամ՝ կոնկրետ՝ ես ինքս ինձ ոնց կպահեմ, եթե  ինձ էլ  պահեն անազատության մեջ։Չգիտեմ․․Բայց Լիդիայի օրինակը միայն հպարտություն է ներշնչում, եւ այս աղջնակը ինքն իրենով  առանց բառերի պահանջում է բոլորիս՝ չնահանջել, չերկմտել, չվախենալ,  շարունակել պայքարը հանուն արդարության, հանուն Հայաստանի եւ հանուն հայոց հայրենիքի։

 

Ապրես, աղջիկս եւ, ներիր մեզ, որ պայքարը դեռ չենք հասցրել տրամաբանական  ավարտի»։