Հայաստանի Հանրապետական կուսակցություն

«Գյուղատնտեսության ոլորտի հարգելի ներկայացուցիչներ,

Ջերմորեն շնորհավորում եմ ձեզ Գյուղատնտեսության աշխատողի օրվա կապակցությամբ:

Ինչպես եւ ցանկացած երկրի, այնպես էլ Հայաստանի համար գյուղատնտեսությունը ռազմավարական նշանակություն ունեցող ոլորտ է, երկրի տնտեսության զարգացման առաջնահերթություններից: Պատմության տարբեր ժամանակաշրջաններում գյուղն ու հողը առանցքային դեր են խաղացել մեր ժողովրդի կյանքում` յուրահատուկ դերակատարություն ունենալով ազգային ինքնության եւ հայրենասիրության ձեւավորման հարցում:

Որքան էլ ժամանակակից տեխնոլոգիաները առաջնային նշանակություն ստանան տնտեսության տարբեր ոլորտներում, միեւնույն է, հողի նկատմամբ սերը, մարդկային ջերմությունն ու հոգատարությունն են, որ ապահովում են ավելի որակյալ ու բնական գյուղատնտեսական արտադրանք:

Ծանոթ լինելով գյուղացու հոգսերին ու խնդիրներին եւ, միաժամանակ, գիտակցելով մրցունակ գյուղատնտեսության դերը երկրի առաջընթացի ու հասարակության բարեկեցության բարելավման գործընթացում, պետությունը հետեւողականորեն ու հնարավորությունների առավելագույն չափով շարունակում է քայլեր ձեռնարկել գյուղի սոցիալական խնդիրների լուծման, գյուղատնտեսության ոլորտի բարեփոխման ու արդիականացման ուղղությամբ»: